புதன் கிரகமானது சிம்ம ராசியில் நுழைவதால் எச்சரிக்கையாக இருக்க வேண்டிய ராசியினரைக் குறித்து தெரிந்து கொள்வோம்.
நவக்கிரகங்களில் புதன் பகவான் இளவரசன் என்று அழைக்கப்படும், இந்த கிரகமானது சுபநிலையில் இருக்கும் போது, அந்த நபருக்கு சுப பலன்கள் கிடைக்கும்.
ஜோதிடத்தில் புதன் பகவானுக்கு தனி இடம் உண்டு. புதன் புத்திசாலித்தனம், தர்க்கம், உரையாடல், கணிதம் மற்றும் நட்பு ஆகியவற்றின் காரணியாக இருக்கிறார்.
வரும் செப்டம்பர் 4ம் தேதி, புதன் பகவான் கடக ராசியிலிருந்து சிம்ம ராசியில் நுழைகின்றார். இதனால் எந்தெந்த ராசியினர் எச்சரிக்கையாக இருக்க வேண்டும் என்பதை தெரிந்து கொள்வோம்.
கடகம்
கடக ராசியின் 2 ஆவது வீட்டிற்கு புதன் செல்லவுள்ளார். இதனால் இந்த ராசிக்காரர்களுக்கு சற்று மோசமாக இருக்கும். மாணவர்கள் படிப்பில் கவனம் செலுத்த முடியாமல் அவதிப்படுவார்கள். வியாபாரத்தில் போட்டிகள் அதிகரிப்பதால், லாபத்தைப் பெற முடியாமல் சிரமப்பட வேண்டியிருக்கும். பணியிடத்தில் நிதி விஷயங்களில் அலட்சியமாக இருப்பதைத் தவிர்க்க வேண்டும். இல்லாவிட்டால் நஷ்டத்தை சந்திக்க நேரிடும். இக்காலத்தில் மனம் ஒருவித பதற்றத்துடனேயே இருக்கும். குடும்ப உறுப்பினர்களுடன் கருத்து வேறுபாடுகள் அதிகரிக்கும். காதல் வாழ்க்கையில் பிரச்சனைகளை சந்திக்க நேரிடும்.
விருச்சிகம்
விருச்சிக ராசியின் 10 ஆவது வீட்டிற்கு புதன் செல்லவுள்ளார். இதனால் இந்த ராசிக்காரர்கள் பண பரிவர்த்தனைகளில் மிகவும் கவனமாக இருக்க வேண்டும். உங்களை ஏமாற்ற பலர் முயற்சிக்கலாம். பணியிடத்தில் சூழல் பதற்றம் நிறைந்ததாக இருக்கும். தொழிலதிபர்களுக்கு நஷ்டம் ஏற்பட வாய்ப்புள்ளது. மாணவர்களுக்கு படிப்பில் நாட்டம் குறையும். பரம்பரை சொத்து பிரச்சனையால் உறவில் விரிசல் ஏற்படக்கூடும். வாழ்க்கைத் துணையுடன் பிரச்சனை அதிகரிக்கலாம்.
மீனம்
மீன ராசியின் 6 ஆவது வீட்டிற்கு புதன் செல்லவுள்ளார். இதனால் இந்த ராசிக்காரர்களுக்கு நிதி ரீதியாக மோசமாக இருக்கும். புதிய முதலீடுகளை செய்வதைத் தவிர்க்க வேண்டும். மேலும் பெரிய செலவுகளையும் கட்டுப்படுத்த வேண்டும். பணிபுரிபவர்களுக்கு வேலையில் நாட்டம் குறையலாம். இதனால் இலக்குகளை அடைய முடியாமல் அவதிப்பட நேரிடும். வியாபாரிகளுக்கு ஏற்றஇறக்கம் நிறைந்ததாக இருக்கும். மாணவர்கள் படிப்பில் ஆர்வத்தை இழப்பார்கள். குடும்ப வாழ்க்கை பிரச்சனை நிறைந்ததாக இருக்கும். திருமணம் மற்றும் காதல் வாழ்க்கை பதற்றம் நிறைந்ததாக இருக்கும்.
